3月28日,晴

       嘩...我都好耐無寫到了...事關真係幾忙下(懶就懶喇,咁多藉口)由二月尾到三月尾呢般時間發生咩事?咪又係轉工囉.宜家又轉左去做另一份了.呢份係咩?唔話你知.哈哈~~~

       但今日真係好倦...朝早五點起身.返七點.真係想死.由七點起身變到七點返工.真係好辛苦....諗住六點有得放喇.點知攪攪下攪到成七點半先放..睇睇下...嘩!開左十二個鐘頭工!!!對腳企左成日,倦到呢..之後仲要返學.由於遲放既關係,我只係返左半堂.返到屋企....死左...同朋友傾左一陣msn跟住訓了.第二日又要返七點半..聽日唔知放幾點了T^T,收筆.

我日記的第二天

  今日第一日返新工~所以早d出門口.但....塞車呀!望住條車龍..望望下訓著左.去到公司門口.咦!?無人既!?咁咪落街行下囉.行到九點返返上去.有人囉~就開始做野了

  到左食飯時間.因為今日我係新入黎.所以公司請曬同事食飯.但...公司得三個人.都無咩分別~咪當同同事一齊食下飯囉~~

  放工囉~今日因為要返學.所以準時走人.(其實日日都可以準時走架~~)返到學校,一定要做一樣野.就係....釣魚!!!今日釣左十五分鐘到...收獲?幾好咁喇~~~哈哈哈(收筆)

我日記的第一天:

今日係19/2/06.亦係我寫日記得第一天

  先講下今日.今日去幫sna影會度做助手.無錯!係打板! 打左差唔多三個鐘,都幾累下...大家可以試下.今日影左好少相.但d相都幾好咁喇我覺得,之後同影友去左食tea,食完去左灣仔行左一陣街.返到屋企就upload相.想睇就去我個相簿喇.

  聽日.係我返新工既第一日.會係點?聽日咪知囉~~~(收筆)